นกุสลํ นอนาคตารมฺมณํ ธมฺมํ ปจฺจยา กุสโล อนาคตารมฺมโณ ธมฺโม อุปฺปชฺชติ เหตุปจฺจยา… เหตุยา นวฯ

นกุสลํ นปจฺจุปฺปนฺนารมฺมณํ ธมฺมํ ปฏิจฺจ อพฺยากโต ปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิฯ

1-19-20. กุสลตฺติก-อชฺฌตฺตตฺติกทฺวยํ

[23] นกุสโล นอชฺฌตฺโต ธมฺโม อชฺฌตฺตสฺส กุสลสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ) อารมฺมเณ อฏฺฐารส, อธิปติยา โสฬส, อุปนิสฺสเย อฏฺฐารส, ปุเรชาเต อตฺถิยา อวิคเต นวฯ

นกุสโล นพหิทฺธา ธมฺโม พหิทฺธา กุสลสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ) อารมฺมเณ อฏฺฐารส, อธิปติยา ฉ, อุปนิสฺสเย อฏฺฐารส, ปุเรชาเต อตฺถิยา อวิคเต นวฯ

[24] นกุสลํ นอชฺฌตฺตารมฺมณํ ธมฺมํ ปฏิจฺจ อพฺยากโต อชฺฌตฺตารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิฯ

นกุสลํ นพหิทฺธารมฺมณํ ธมฺมํ ปฏิจฺจ อพฺยากโต พหิทฺธารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิฯ

1-21. กุสลตฺติก-สนิทสฺสนตฺติกํ

[25] นกุสลํ นสนิทสฺสนสปฺปฏิฆํ ธมฺมํ ปฏิจฺจ อพฺยากโต สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ

นอกุสลํ นสนิทสฺสนสปฺปฏิฆํ ธมฺมํ ปฏิจฺจ อพฺยากโต สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ

นอพฺยากตํ นสนิทสฺสนสปฺปฏิฆํ ธมฺมํ ปฏิจฺจ อพฺยากโต สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ

นกุสลํ นสนิทสฺสนสปฺปฏิฆญฺจ นอพฺยากตํ นสนิทสฺสนสปฺปฏิฆญฺจ ธมฺมํ ปฏิจฺจ อพฺยากโต สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ

นอกุสลํ นสนิทสฺสนสปฺปฏิฆญฺจ นอพฺยากตํ นสนิทสฺสนสปฺปฏิฆญฺจ ธมฺมํ ปฏิจฺจ อพฺยากโต สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ

นกุสลํ นสนิทสฺสนสปฺปฏิฆญฺจ นอกุสลํ นสนิทสฺสนสปฺปฏิฆญฺจ ธมฺมํ ปฏิจฺจ อพฺยากโต สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ เหตุยา ฉฯ

[26] นกุสลํ นอนิทสฺสนสปฺปฏิฆํ ธมฺมํ ปฏิจฺจ อพฺยากโต อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… เหตุยา ฉฯ

นกุสลํ นอนิทสฺสนอปฺปฏิฆํ ธมฺมํ ปฏิจฺจ อพฺยากโต อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิฯ

2-1. เวทนาตฺติก-กุสลตฺติกํ

[27] นสุขาย เวทนาย สมฺปยุตฺตํ นกุสลํ ธมฺมํ ปจฺจยา สุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ นสุขาย เวทนาย สมฺปยุตฺตํ นกุสลํ ธมฺมํ ปจฺจยา อทุกฺขมสุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ ทฺเวฯ

นทุกฺขาย เวทนาย สมฺปยุตฺตํ นกุสลํ ธมฺมํ ปจฺจยา สุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ นทุกฺขาย เวทนาย สมฺปยุตฺตํ นกุสลํ ธมฺมํ ปจฺจยา อทุกฺขมสุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ ทฺเวฯ

นอทุกฺขมสุขาย เวทนาย สมฺปยุตฺตํ นกุสลํ ธมฺมํ ปจฺจยา อทุกฺขมสุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ นอทุกฺขมสุขาย เวทนาย สมฺปยุตฺตํ นกุสลํ ธมฺมํ ปจฺจยา สุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ ทฺเวฯ (จตฺตาริ คณิตเกน ทฺเว ทฺเว ปญฺหา กาตพฺพาฯ) เหตุยา จุทฺทสฯ

[28] นสุขาย เวทนาย สมฺปยุตฺตํ นอกุสลํ ธมฺมํ ปจฺจยา สุขาย เวทนาย สมฺปยุตฺโต อกุสโล ธมฺโม อุปฺปชฺชติ เหตุปจฺจยาฯ นสุขาย เวทนาย สมฺปยุตฺตํ นอกุสลํ ธมฺมํ ปจฺจยา ทุกฺขาย เวทนาย สมฺปยุตฺโต อกุสโล ธมฺโม อุปฺปชฺชติ เหตุปจฺจยาฯ เหตุยา เอกวีสฯ